Отворен циклусот онлајн предавања АЛУМНИ

Институтот за филозофија при Филозофскиот факултет Скопје (Филозофија Фзф УКиМ) и Филозофското друштво на Македонија ве покануваат на онлајн предавање на колегата д-р Александар Стаматов, доцент на Универзитетот Минг Чуан, Тајван, на тема:

ПАТОТ НА ЛАОЦЕ НИЗ ИСТОРИЈАТА, ФИЛОЗОФИЈАТА И СТАРИТЕ ТЕКСТОВИ.

Предавањето претставува отворање на циклус онлајн предавања АЛУМНИ, во чиишто рамки свои предавања ќе одржат повеќемина поранешни студенти на Институтот за филозофија кои имаат изградено успешна меѓународна кариера во подрачјето на филозофијата, а во моментот живеат и работат во странство, како предавачи и/или истражувачи на реномирани универзитети, од земјите на Далечниот Исток, преку Европа, сѐ до САД.

Предавањето ќе се одржи на 10 март (четврток), со почеток во 12 часот, на платформата zoom.
На крајот ќе следува отворена дискусија.