Светски ден на филозофијата –
Повик за симпозиум

by ·

Во рамки на 23. одбележување на Светскиот ден на филозофијата, Институтот за филозофија при Филозофскиот факултет во Скопје и Филозофското друштво на Македонија организираат симпозиум на тема: 

100 ГОДИНИ ФУКО: СУБЈЕКТ, ЗНАЕЊЕ, МОЌ 

  По повод стогодишнината од раѓањето на Мишел Фуко (1926-1984), симпозиумот има цел да отвори простор за современи филозофски интерпретации на неговото дело и неговото влијание врз современата хуманистичка и општествена теорија. Творештвото на Фуко претставува една од клучните референтни точки за разбирање на односите меѓу знаењето, моќта и обликувањето на субјектот, како и за анализа на современите институции, дискурси и практики на надзор, дисциплина и биополитика. 

 Ги предлагаме, но не ограничуваме на, следните поттеми: 

 

Субјектот и обликувањето на себството 

  • Субјективност и идентитет  
  • Етиката како грижа за себе  
  • Телото, сексуалноста и субјектот  
  • Фуко и античката етика  

 

Знаење, дискурс и вистина 

  • Археологија и генеалогија на знаењето  
  • Дискурсот и производството на вистината  
  • Историја на медицината, пристапи кон лудилото и антипсихијатриските критики 
  • Фуко и современите хуманистички науки  

 

Моќ, дисциплина и биополитика 

  • Дисциплина, надзор и нормализација 
  • Затворот и генеалогијата на казната 
  • Биополитика и управување со животот  
  • Надзор и дигитално општество  
  • Моќ, отпор и облици на субверзија  
  • Моќта и современите политички практики  

 

Фуко и современата филозофија 

  • Фуко и постструктурализмот  
  • Фуко во дијалог со Ниче, Хајдегер, Маркс  
  • Фуко и психоанализата  
  • Фуко и критичката теорија  
  • Современи примени на фукоовската анализа  

 

Симпозиумот ќе се одржи на 19 ноември 2026 година на Филозофскиот факултет во Скопје. Насловот и апстрактот (максимум 300 зборови) на излагањата треба да бидат доставени на адресата: macedonian.philosophy@gmail.com најдоцна до 15 октомври 2026. Во прилог на апстрактите треба да биде назначено целосното име, афилијацијата и електронската адреса за контакт на авторот. Известување за прифаќање на апстрактите ќе биде пратено до 1 ноември 2026 година.  

 Ве очекуваме, 

 

You may also like...