Трибина:
„Философијата и книжевните облици“

Филозофското друштво на Македонија и Здружението на класични филолози „Антика“ ве покануваат на двојно интелектуално дружење на 14 март (среда) на Филозофскиот факултет во Скопје.

Со почеток во 10 ч., во Свечената сала на Факултетот ќе се одржи Трибина на тема: „Философијата и книжевните облици“. Панелисти на Трибината ќе бидат:
проф. д-р Иван Џепароски, проф. д-р Весна Томовска и проф. д-р Владимир Мартиновски.

Напладне, со почеток во 14:30 ч., во Библиотеката на Институтот за филозофија е предвидена Работилница на тема: „Зборови, сенки, идеи – Платоновиот стил, јазик и мисла како преведувачки предизвик“. Предмет на дискусија на Работилницата ќе бидат следните места од Платоновиот опус: Гозба (210e1–211d8), Фајдон (65d4–66a10), Држава (508d4–509a10) и Парменид (134e9–135c7), а нејзини модератори проф. д-р Елена Џукеска и доц. д-р Јасмина Поповска.