22. ОДБЕЛЕЖУВАЊЕ НА СВЕТСКИОТ ДЕН НА ФИЛОЗОФИЈАТА

На 20 ноември (третиот четврток во месецот) ќе го чествуваме Светскиот ден на филозофијата. По девети пат, настанот ќе биде отворен со Мал концерт на студентите од Факултетот за музичка уметност, во класата на проф. м-р Дарко Багески. Собирот со пригодна реч ќе го поздрават деканот на Филозофскиот факултет, проф. д-р Оливер Бакрески и раководителот на Институтот за филозофија, проф. д-р Ана Димишковска. Круна на свечениот сегмент од Програмата ќе биде доделувањето на наградата „Константин Философ“ за животно дело за 2025 година, којашто годинава му припадна на проф. д-р Љубомир Цуцуловски.

Стожерен дел од 22. одбележување на Светскиот ден на филозофијата претставува симпозумот на тема: ФИЛОЗОФИЈАТА ВО ОБРАЗОВАНИЕТО. На него ќе земат учество девет (9) истакнати филозофи и истражувачи, поделени во две сесии (Стивен Фридман, Љубомир Гајдов, Ана Димишковска, Јасмина Поповска, Марија Тодоровска, Милан Ѓорѓевиќ, Данка Јовева, Бошко Караџов и Игор Поп Трајков).

Сите содржини од чествувањето ќе се одржат во Свечената сала на Филозофскиот факултет во Скопје (со почеток во 10 часот).

Постер:  https://drive.google.com/file/d/1itD6S-u3bzVOFltkdTTIIBc9FugMK3I1/view?usp=drive_link

Програма: https://drive.google.com/file/d/1sH95T_hFoFo-Srp6MnshfSJSsysWHB7C/view?usp=drive_link

Музичка програма: https://drive.google.com/file/d/1i1iqLct7_RCQctu5BTHL4CJZOvhVuCnX/view?usp=drive_link

Апстракти: https://drive.google.com/file/d/1aN5c2okVf3SEDo7Z4GQuLUhB0HrR9ucr/view?usp=drive_link