Промотивна дискусија за книгата „Филозофијата на Брахма-сутра“
на Александар Ускоков

На 6 март 2023г., во Советот за Јужноазиски студии при Универзитетот Јејл ќе се одржи промотивна дискусија за книгата „Филозофијата на Брахма-сутра“ (The Philosophy of the Brahma-sutra) на нашиот колега Александар Ускоков. Модератор на дискусијата ќе биде Суприја Гандхи од Јејл, катедра за религиски студии, а дискутанти ќе бидат Гери Таб од Универзитетот на Чикаго и Норин Кхваџа и Џон Питард од Јејл, катедра за религиски студии. Настанот ќе може да се проследи и online преку платформата Zoom, со тоа што претходно треба да се регистрирате на следниот линк:

https://yale.zoom.us/webinar/register/WN_K-ALq6r9TE2lghdu0lV_4Q,

по што ќе добиете индивидуален линк за присуство.

Потсетуваме дека на 22 ноември 2022 г. Филозофското друштво на Македонија и Институтот за филозофија при Филозофскиот факултет во Скопје организираа онлајн предавање во циклусот АЛУМНИ со д-р Александар Ускоков (Lector in Sanskrit, South Asian Studies Council, Yale University, USA) на тема: ЗА ПОЗНАНИЕТО: ПЕРЦЕПЦИЈА, ЗАКЛУЧУВАЊЕ И ЈАЗИЧКО ПОЗНАНИЕ ВО ВЕДАНТА, на којашто беа презентирани некои поенти од горенаведената студија што минатата година се појави во издание на Bloomsbury.