Алумни предавање
со Виктор Илиевски
На 5 ноември 2024 год. на Филозофскиот факултет во Скопје се одржи четвртото предавање од циклусот АЛУМНИ. На тема ПЛАТОНОВАТА ТЕОДИКЕЈА И ПРОБЛЕМОТ НА МАТЕРИЈАТА зборуваше д-р Виктор Илиевски.
Виктор Илиевски е постдокторски истражувач по античка филозофија на Универзитетот во Виена. Претходно работел на Автономниот универзитет во Барселона и Универзитетот во Букурешт. Објавува главно во областа на платоничарската метафизика, космологија и теологија, со особен интерес за проблемот на злото и теодикејата.
Повод за настанот беше неодамнешното излегување од печат на публикацијата Plato’s Theodicy: The Forgotten Fount во реномираната издавачка куќа Brill.
https://brill.com/display/title/62224
Предавањето е дел од АЛУМНИ циклусот, во чиишто рамки свои излагања имаат поранешни студенти на Институтот за филозофија, коишто имаат изградено респектибилна меѓународна кариера како предавачи и/или истражувачи на реномирани универзитети ширум светот. Циклусот е во коорганизација на Филозофското друштво на Македонија и Институтот за филозофија при Филозофскиот факултет во Скопје.
