МЕЃУНАРОДНА КОНФЕРЕНЦИЈА:
The Future of UNESCO Chapters: Intercultural Perspectives on Autonomy, Freedom and Independence (Букурешт, Романија)
Катедрата на УНЕСКО (UNESCO Chair) за интеркултуралност, добро владеење и одржлив развој при Филозофскиот факултет во состав на Унивезитетот во Букурешт на 27 септември 2024 ја организираше втората итерација на програмата: Philosophy as a School of Freedom и пропратната меѓународна конференција со наслов: The Future of UNESCO Chapters: Intercultural Perspectives on Autonomy, Freedom and Independence. На истата, како претставник на Филозофското друштво на Македонија, учествуваше колегата д-р Бошко Караџов со излагање на тема: “Utopian Thinking in the Post-History Time: The New Imperatives and Perspectives on Freedom and Philosophy“. Колегата Караџов, низ анализте на делата на американскиот социолог Даниел Бел, американскиот филозоф Ричард Рорти и словенечкиот филозоф Славој Жижек, говореше за причините за констернацијата на политичкиот романтизам и утопиското мислење воопшто како хилијастичка идеолошка свест. Дополнително, низ преглед на предупредувањата за обистинување на содржините од дистописката литература (Орвел, Хаксли, Верн, Елис, Ван Хам, Стивенсон, Дик и Мур), Караџов ги изложи, според него, трите проблематични утопии: де-утописките утопии, месијанските утопии и колективистиките утопии, и ја промовираше неговата идеја за можноста и потребата од нов вид на индивидуалистичка утопија без големо У на темелот на Нозиковата политичка и социјална филозофија.
