Алумни предавање
на д-р Виктор Илиевски
На 5 ноември (вторник, 13 ч., Филозофски факултет, Слушална 8), Филозофското друштво на Македонија и Институтот за филозофија при Филозофскиот факултет во Скопје организираат предавање со колегата д-р Виктор Илиевски (Marie Curie Postdoctoral Fellow, University of Vienna, Austria) на тема: ПЛАТОНОВАТА ТЕОДИКЕЈА И ПРОБЛЕМОТ НА МАТЕРИЈАТА.
Предавањето е дел од АЛУМНИ циклусот, во чиишто рамки свои излагања имаат поранешни студенти на Институтот за филозофија, коишто имаат изградено респектибилна меѓународна кариера како предавачи и/или истражувачи на реномирани универзитети ширум светот.
Повод за настанот е неодамнешното излегување од печат на публикацијата Plato’s Theodicy: The Forgotten Fount во реномираната издавачка куќа Brill.
https://brill.com/display/title/62224
Виктор Илиевски е постдокторски истражувач по античка филозофија на Универзитетот во Виена. Претходно работел на Автономниот универзитет во Барселона и Универзитетот во Букурешт. Објавува главно во областа на платоничарската метафизика, космологија и теологија, со особен интерес за проблемот на злото и теодикејата.
